264 мектеп-лицейінің жылыжайы: өсіру мен тәжірибе ортасы
Жылыжай - жылу сүйетін көкөністер мен жидектерді, гүлдер мен түрлі өсімдіктерді жыл бойы өсіруге мүмкіндік беретін, арнайы қорғалған әрі жылытылатын құрылым.
Біздің мектебіміздегі жылыжай – оқушылардың тәжірибелік білім алатын зертханасы, еңбекті құрметтеуді үйрететін ерекше ортасы.
Жылыжай ішінде оқушылар биология пәнінен практикалық жұмыстар, бақылаулар мен зертханалық тәжірибелер жүргізеді.
Оқушылар өсімдіктерді күтіп-баптауды, көкөніс өсірудің технологиясын меңгереді, зерттеу қабілеттері дамиды.
Мектеп директоры Алмат Бақытбекұлы жылыжайды дамыту бағытында:
-топырақты толық ауыстыру;
-жылыту жүйесін күшейту;
-оқушылардың зерттеу жұмыстарын кеңейту;
-жаңа сорттарды көбейту мәселелерін көтерді.
Қазіргі таңда жылыжайда қиярдың Хойрат F1 және Пасамонте сорттары өсіріліп, олардың өсу қарқыны мен өнімділігі салыстырылуда.
Жылыжай жұмысының дамуына жауапты биология пәні мұғалімдері – Гүлбану Ашимова, Ақмарал Сақабаева, Сая Дүйсенбекова – өз міндеттерін зор жауапкершілікпен атқаруда.
Экологиялық таза, дәмді өнімдер мектеп ұжымының да үлкен сұранысына ие.
Еңбектің берекесі – бірлік пен ізденісте!
