Ағымдағы жылдың 4 ақпаны күні Т.Есетов атындағы №264 мектеп-лицейінде Қызылорда Қаласының Білім Бөлімі ұйымдастыруымен зерттеуші санатындағы ағылшын тілі мұғалімдерінің авторлық бағдарламаларын қорғау,тәжірибе тарату әдістемелік алаңы өтті. Бұл алаң - мұғалімдердің кәсіби ізденісі мен шығармашылық әлеуетін, жаңашыл идеялары мен ғылыми-зерттеушілік көзқарасын айқындайтын маңызды алаң.
Зерттеуші санатындағы мұғалімдердің авторлық бағдарламаларын қорғау барысында ұстаздар өз жұмыстарының мазмұны мен тәжірибелік маңызын жан-жақты таныстырды. Қорғау кезінде бағдарламалардың оқу үдерісінде қолданылуы, алынған нәтижелер мен жинақталған тәжірибе нақты мысалдар арқылы дәлелденді. Зерттеуші мұғалімдер өз ізденісінің тиімді тұстарын бөлісіп, жаңашыл әдістерді тәжірибеге енгізудің маңызын көрсетті. Бұл алаң кәсіби тәжірибе алмасуға және педагогикалық шеберлікті арттыруға үлкен мүмкіндік болды. Жаңашылдық пен үздіксіз дамуға ұмтылған ұстаздарға сәттілік тілейміз!
