Т.Есетов атындағы 264 мектеп - лицейінің ресурстық орталық мамандары әр аптаның жұма күні “Ата - ана,педагог, бала” қатысуымен бір күндік кеңес айдарын дәстүрлі түрде ұйымдастырды.
Аталған бастама негізінде іс - шара 18 - ші сәуір күні І ауысымда
педагог - логопед:Шакарбану Тортбаева, педагог - ассистент: Майра Куанбаева , педагог - дефектолог :Нұрсәт Төребек мамандарының қатысуымен өткізілді. “Балаңыздың тепе - теңдігі - болашақ қозғалыс сенімділігі” тақырыбында ата - аналарға, үй жағдайында кездесетін тиімді заттар арқылы, баланы қызықтырып дамытуға бағытталған лайфхактар көрсетілді.
Мақсаты: Қимыл - қозғалыс жаттығуы арқылы баланы дамыту жолдарын және көріп қабылдау арқылы қол мен көзді үйлестіру, кеңістікті бағдарлау, зейінін шоғырдандыру, тепе - теңдікті сақтау, бұлшық еттері мен буындарын сезіну және өзіне деген сенімділігін арттыру.
Сонымен қатар жұмыс барысында ата - аналар төмендегі жаттығуларды өз балаларымен бірлесе орындады.
1. Тыныс алу жаттығулары.
2. Эмоцияны шығару, эмоцияны қалпына келтіру жаттығулары.
3. Зейін шоғырландыру.
4. Тепе - теңдікті,бұлшық етті дамыту жаттығулары.
5. Кеңістікті бағдарлау, қол мен көзді үйлестіру жаттығулары.
*іс - шара барысында ата - аналар қызығушылық танытып, белсене қатысты. Қорытындылау кезеңінде “ата - ана, педагог және бала” бірігіп әуенді қимыл - қозғалысқа арналған жаттығуларды орындады. Ата - анаға үй жағдайында баламен жұмыс жасауға тапсырмалар берілді.
Ал аталған күннің ІІ ауысымында
Педагог - дефектолог: Гүлзат Қирабайдың
педагог - логопед: Данара Жаншаеваның
педагог - ассисент: Қаракөз Жүгінісованың қатысуымен кеңес өткізілді. Кеңесте мамандар ата - аналарға үй жағдайында баланың “сенсорлық жүйесі”, “сенсо - моторлық дамуы”, “перцептивті - моторлы дамуын” дұрыс қалыптастыру бойынша әдіс - тәсілдермен бөлісті.
1 - тапсырма. “Сенсорлық жүйе”
- Тепе - теңдікті сезіну
- Бұлшықеттер мен буындарды сезіну
2 - тапсырма. “Сенсо - моторлық даму”
- Есту, сипап - сезу, көру, дәм сезу, иіскеу
3 - тапсырма. “Перцептивті - моторлы даму”
- Қозғалысты жоспарлау
- Назарын шоғырландыру
- Баланың өзін - өзі басқара алуы үшін жұмыстар көрсетіліп, үйде қайталап жасауға кеңес берілді.
Күтілетін нәтиже: Ата - аналар мен мамандардың және оқушының бірлескен үшжақты байланыс жұмыстары нәтижесінде баланың даму процесіне үлес қосу.
Кеңес соңында ата - аналар өз алғыстарын білдіріп, көптеген тың мәліметтерді көргенін және үйден қайталау жұмыстарын тұрақты жүргізетінін жеткізді. Бұл бастама әр аптаның жұма күні өз жалғасын табатын болады.
