Интернеттегі қауіпсіздік – әр баланың қолында!
Мектебіміздің психолог мамандары Жақсыбаева Алма және информатика пәнінің мұғалімі Тіккөзова Айда 5-7 сынып оқушыларымен «Желідегі қауіпсіз мінез-құлық ережелері» тақырыбында түсіндірме жұмыстарын жүргізді.
Іс-шараның мақсаты – оқушыларды интернет кеңістігін қауіпсіз пайдалануға, желіде өздерін дұрыс ұстауға, жеке мәліметтерін құпия сақтауға үйрету.
Дәріс барысында оқушыларға «Мен және менің интернетім» тақырыбындағы бейнеролик ұсынылып, «Қауіпсіз және қауіпті интернет мінез-құлқы» атты постерлер арқылы өз ой-пікірлерімен бөлісіп, белсенді пікірталас жүргізді. Мұндай шаралар оқушылардың цифрлық сауаттылығын арттырып, интернет желісіндегі түрлі қауіптерден сақ болуға бағыттайды.