Т. Есетов атындағы №264 мектеп-лицейінде 10–11 сынып оқушыларының қаржылық сауаттылығын арттыру мақсатында «Қаржы сақшысы» атты танымдық әрі қызықты ойын ұйымдастырылды.
Ойынның басты мақсаты – оқушыларды күнделікті өмірде кездесетін қаржылық жағдайларды дұрыс түсінуге, ақшаны тиімді басқаруға және саналы шешім қабылдауға үйрету.
Іс-шара барысында қатысушылар жеке және отбасылық бюджет құру, табыс пен шығынды жоспарлау, қаржылық қауіп-қатерлерден сақтану, жинақ пен үнемдеудің маңызын түсіну сияқты маңызды тақырыптар бойынша білімдерін толықтырды. Жас ұрпақтың қаржылай сауатты болуы – өз мүмкіндігін дұрыс бағалап, жауапты шешім қабылдай алатын,
болашағына сенімді қадам жасайтын тұлға болып қалыптасуының берік негізі.
