"Атадан мал қалғанша, тал қалсын" деген халық даналығы бар. Балаларды еңбекке баулу баршамыздың міндетіміз десек артық айтқандық емес. Осы орайда мектеп - лицейіміздің 1 маусым - Халықаралық балаларды қорғау күніне арналған "Қазақстан балалары" атты қалалық іс - шара жоспары бойынша білім алушылардың ата - аналармен бірге саябақтарға ағаш егу акциясы, сенбілік ұйымдастырылды.
Сенбілікке 4 сынып мұғалімдері мен білім алушылары ағаштар, гүлдер егіп, мектеп ауласын көгалдандыруға атсалысты. "Бір тал кессең,он тал ек" деген қағиданы ұстанған ата - аналар мен білім алушылар маңызды істердің бірін абыроймен атқарып шықты.