«Күй күмбірі» республикалық акциясы
Қазақстан Республикасы Оқу-ағарту министрлігінің бастамасымен ұлттық құндылықтарды дәріптеу, оқушылардың эстетикалық және патриоттық сезімдерін қалыптастыру мақсатында «Күй күмбірі» республикалық домбырашылар акциясы өтті.
Аталған іс-шара Ұлыстың ұлы күні – Наурыз мерекесі аясында ұйымдастырылып, домбыра өнерін насихаттауға бағытталды.
Акция барысында еліміздің барлық өңірлерінде бір мезгілде халық күйлері орындалып, ұлттық өнердің кеңінен насихатталуына мүмкіндік жасалды.
Аталған игі бастамаға Т.Есетов атындағы №264 мектеп-лицей жанындағы қосымша білім беру орталығы да белсене атсалысты. Үйірме мүшелері «Жастар биі» мен «Нәр ағашы» халық күйлерін шеберлікпен орындау арқылы ұлттық өнерді насихаттады.