Жалпы білім беретін пәндер бойынша республикалық "Дарын" жасөспірімдер олимпиадасында мектебіміздің 8-сынып оқушысы Манасова Балнұр «Қазақ мектептеріндегі орыс тілі» пәні бойынша жүлделі ІІІ орынды иеленіп, мектебіміздің мерейін үстем етті.
Бұл жетістік — оқушының ізденісі мен талабының, сондай-ақ жетекшісі Қозбагарова Эльмира Куанышевнаның сапалы білімі мен кәсіби шеберлігінің жемісі.
Дарынды шәкіртіміз Балнұрды жеңісімен шын жүректен құттықтай отырып, алар асуы биік, бағындырар белесі көп болуына тілектеспіз! Жас жеткіншектің білім жолындағы жарқын жетістіктері жалғасын тауып, мектебіміздің абыройын асқақтата берсін!
