Қызылорда қаласының дене тәрбиесі, спорт және туризм бөлімі мен Сырдария спорттық - зияткерлік орталығының ұйымдастыруымен 28 - 30 наурыз аралығында «Orta» интелектуалды - сауықтыру орталығында тоғызқұмалақтан Қызылорда қаласының біріншілігі өтті. Жарысқа 80 - ге жуық үздік оқушылар қатысты.
Мектебімізден қатысқан жеңімпаз оқушыларымыз алдағы сәуір айында Жалағаш ауданында өтетін облыстық жарысқа жолдама иеленді.
Жарыстың жабылу салтанатында Қызылорда қаласының дене тәрбиесі, спорт және туризм бөлімінің басшысы Қайрат Мергентайұлы мен тоғызқұмалақтан ҚР еңбегі сіңірген жаттықтырушы Біржан Мектепханұлы жеңімпаздар мен жүлдегерлерді марапаттап алдағы жарыстарда да жеңіске жетулеріне сәттілік тілеп, ұлттық ойынымызды дамытуға қосқан үлестері үшін алғысын білдірді.
