СҮЙІНШІ!!!
Облыс әкімінің жүлдесіне арналған «Сыр лигасы» жобасы аясында қалалық «Ана тілі аруы» байқауы өтті.
Бұл байқау қазақ қызының бойындағы ұлттық дәстүрімізге сай қасиеттерді дәріптеп, олардың көркемдік талғамын қалыптастыру, сондай-ақ әдептілікке, инабаттылыққа және ізеттілікке тәрбиелеу мақсатында ұйымдастырылды.
Аталған байқауға Т. Есетов атындағы №264 мектеп-лицейінің 10 “Ж” сынып оқушысы Мұрат Әлия қатысып, өз ақыл-ойы, парасаты және өнерімен ерекшеленіп, жүлделі І орынды иемденіп, облыстық кезеңге жолдама алды.
Қала мектептерінен қатысқан 37 арудың арасынан суырылып алға шыққан Әлиямыздың жетістігі – мектебіміздің абыройын асқақтатқан үлкен жеңіс.
Оқушымызды және жетекшісі Мұратаева Майя апайымызды шын жүректен құттықтаймыз!
Әлияға облыстық кезеңге сәттілік тілейміз және тағы да биік белесті бағындыратынына сенеміз!
