17 наурыз күні Т. Есетов атындағы
#264 мектеп - лицейінің 2 «Ә» сыныбында Наурыз мерекесіне байланысты «Шуақты көктем, Ардақты ана, Наурыз - думан» атты ашық тәрбие сағаты болып өтті.
Мақсаты: Балалардың бойына мәдениет пен ұлттық салт - дәстүрді сіңіру.
Тәрбие сағатында оқушылар әндерін шырқап, мың бұрала билеп, өз өнерлерін көрсетті. Іс - шараға оқушылармен қатар ата - аналар да белсене араласты.
Ата - аналар оқушыларға «Бесікке салу», «Тұсау кесу» секілді салт дәстүрлерімізді көрсете білді. Қазақтың ұлттық ойындары: қыз қуу, арқан тартыс, қол күрестерге ерекше тоқталып, ойнатты. Соңында оқушыларымыз әжелерімізден бата алып, жақсы тілектерін тыңдады.
