Т.Есетов атындағы №264 мектеп-лицейінде кәмелетке толмағандар арасындағы құқық бұзушылық пен қылмыстың алдын алу мақсатында оқушылармен профилактикалық түсіндірме жұмыстары жүргізілді.
Іс-шара 2026 жылғы 27 сәуір күні 7-сынып оқушыларының қатысуымен өтті. Шараға Қызылорда станциясындағы КПб ӘПб аға инспекторы, полиция аға лейтенанты С. Асанов, мектеп директорының тәрбие ісі жөніндегі орынбасары Г. Қиымов және 7-сынып оқушылары қатысты.
Кездесу барысында полиция аға лейтенанты С. Асанов қылмыс ұғымына жан-жақты тоқталып, оның құқық бұзушылықтың бір түрі екенін түсіндірді. Сонымен қатар қылмыстың қоғамға қауіптілігі, құқыққа қайшылығы, кінәлілік және жазаланушылық сияқты негізгі белгілері кеңінен айтылды. Сондай-ақ қылмыстың әрекет немесе әрекетсіздік арқылы жасалатыны да атап өтілді.
Іс-шараның басты мақсаты – оқушылардың құқықтық сауаттылығын арттыру, құқық бұзушылықтың алдын алу және кәмелетке толмағандардың заң алдындағы жауапкершілігін түсіндіру.
