Тәкей Есетов атындағы №264 мектеп-лицейінің ресурстық орталығының арнайы педагог-психолог маманы Ысқақова Жадыра Бекмағанбетқызы ерекше балаларға сабақ беретін пән мұғалімдерімен кеңес өткізді.
Мақсаты:
Ерекше білім беруді қажет ететін оқушылармен жұмыс барысында пән мұғалімдеріне әдістемелік қолдау көрсету, тиімді оқыту тәсілдерін ұсыну.
Жүргізілген жұмыстар:
Ерекше оқушылардың даму ерекшеліктері мен мінез-құлық сипаттамалары талқыланды.
Саралап оқыту және жеке тәсіл қолданудың тиімді жолдары қарастырылып әдіс-тәсілдер көрсетілді.
Мұғалімдерге психологиялық-педагогикалық қолдау көрсетудің нақты үлгілері ұсынылды.
Сыныптағы ахуалды жақсарту мақсатында пән мұғалімдеріне психологиялық кеңестер берілді.
Нәтижесінде:
Мұғалімдер ерекше балалармен жұмыс істеуде жаңа тәжірибе мен пайдалы әдіс-тәсілдер алды.
Кеңес өзара пікір алмасуға, кәсіби ынтымақтастықты арттыруға және әр баланың жеке қабілетін дамытуға бағытталған табысты кездесу болды.
