Т.Есетов атындағы #264 мектеп - лицейіндегі облыстық ресурстық орталық маманы (педагог - ассистент) Ақназар Сәния “Үй жануарлары” тақырыбында ерекше білім алу қажеттілігі бар оқушыға жеке түзете - дамыту сабағын өткізді.
Мақсаты: Оқушыларға үй жануарларының маңыздылығын түсіндіру, олардың адам өміріндегі рөлін ашып көрсету. Жануарларға қамқорлықпен қарауға, жауапкершілікке және жанашырлыққа тәрбиелеу. Үй жануарларының түрлерін, ерекшеліктерін таныстырып, оларды күтіп - баптау жөнінде түсінік қалыптастыру.
Түзете - дамыту жұмысының барысы:
1. Сәлемдесу
2. Оқушының көңіл - күйін сұрау, жағымды ақуал туғызу.
3. Жаңа сабақты түсіндіру, оқушы назарын аударту.
Жаңа сабақ
1. Үй жануарлары және оның төлдері. “Бұл қандай жануар?” ойыны.
Оқушы жануарларды және төлдерін табады.
2. Үй жануарларының дыбыстары. “Кім қалай дыбыстайды?”.
Оқушы жануарлардың қимылын келтіріп, дыбысын салады.
3. Суретпен жұмыс: “Үй жануарларының пайдасы”.
Мұғалім үй жануарларының суретін көрсетіп, олардың атауын, ерекшеліктерін түсіндіреді.
4. “Менің сүйікті жануарым” тақырыбында сурет салу.
Күтілетін нәтиже:
• Оқушылар үй жануарларын ажыратып, олардың атауын дұрыс атайды.
• Жануарлардың пайдасы мен оларды күту туралы түсінік қалыптасады.
• Танымдық қабілеттері мен сөздік қоры дамиды.
• Жануарларға қамқорлық жасауға дағдыланады.
