ЖЕҢІС ҚҰТТЫ БОЛСЫН!
15–17 сәуір аралығында 7–8 сынып оқушылары арасында өткен Ұлттық мектеп лигасы аясындағы «Былғары доп» спорт түрінен тартысты жарыс өз мәресіне жетті.
Аталған додада №264 мектеп-лицейінің командасы жоғары деңгейде ойын көрсетіп, қарсыластарынан басым түсіп, І орынды жеңіп алды.
Бұл жеңіс - оқушылардың табандылығы мен командалық бірлігінің нәтижесі. Сонымен қатар команда облыстық кезеңге жолдама алып, келесі белеске нық қадам басты.
Команданы дайындап, жеңіске жетелеуде аянбай еңбек еткен жетекшілері:
Болатбек Ернияз
Қаражан Думан
Жеңімпаздарға алдағы облыстық жарыста сәттілік тілейміз. Жеңіс жолы жалғаса берсін!
